كلمت . كلمتك بين التعليم والصحة

قطاع الصحة:

هاذَ العامْ امْفخَّرْنِ، بيهْ

الِّ عامِ وآنَ نبْغيهْ

يغيرْ امْعايَ دارُ فيهْ

قطاعْ التعليمْ الهدّامْ

وآنَ خالعْنِ ذاكْ اعْليهْ

 

واعْليَّ، وآنَ مولْ اهْرامْ

هاذَ العامْ الَّ عامْ اطْميمْ

يلْيعْطينَ خيرُ باتْمامْ

هو عايدْ عامْ التعْليمْ

والصحة، ذ العام الَّ عامْ!

قطاع التعليم:

هاذَ عامْ التعليمْ أُشاعْ

ذاكْ أُذاكْ امْفرَّحْنِ كاعْ

غيرْ ادْيارْ امْعايَ قطاعْ

الصحة مكْصورةْ ليَّامْ

ما خلاّها بيَّ تُساعْ

تيتْ أُلانِ فوكْ التخْمامْ

هاذَ العامْ اطْميمْ أُعظيمْ

ما يُعبَّرْ كاعْ ابْلكْلامْ

هو عايدْ عامْ التعْليمْ

والصحة، ذ العام الَّ عامْ!  

موقع اشطاري